Buxoroda zamonaviy qilichbozlik sport zalining qurilishiga start berildi

Buxoroda zamonaviy qilichbozlik sport zalining qurilishiga start berildi

Buxoro olimpiya va paralimpiya sport turlariga tayyorlash markazida qilichbozlik sport turini yanada rivojlantirish maqsadida zamonaviy sport zalining qurilishi boshlandi.

Umumiy qiymati 2 milliard so‘mni tashkil etadigan ushbu loyiha doirasida 42x20 metr o‘lchamdagi, barcha zaruriy infratuzilmalar bilan jihozlangan zamonaviy sport majmuasi barpo etilishi rejalashtirilgan.

Mazkur sport zali yosh sportchilar uchun qulay sharoitlar yaratib, ularning professional darajada shug‘ullanishiga keng imkoniyatlarni ochib beradi.

Bu esa, o‘z navbatida, Buxoroda qilichbozlik sportini ommalashtirish va xalqaro musobaqalarda ishtirok etuvchi iqtidorli sportchilarni tayyorlashda muhim omil bo‘ladi.