Суҳбат
Муҳаммадюсуф Асранов: "Қиличбозлик менга янги келажак берди"
Суҳбатдошимиз Муҳаммадюсуф Асранов қиличбозликнинг рапира тури бўйича Миллий терма жамоа аъзоси, бир неча халқаро турнирлар совриндори, 7 карра (ёшлар ўртасида 4, ўсмирлар ўртасида 2 ва катталар ўртасида 1 мартда) Ўзбекистон чемпиони номига сазовор бўлган энг иқтидорли ва истиқболли спортчи.
- Қиличбозлик спорти сизга нима берди?
- Қиличбозлик спорти менга янги келажак берди.
- Тренерларингиз ҳақида сўзлаб беринг.
- Тренерим Мурдасов Вахоб Абдураимович, жудаям қаттик қўл, талабчан ва меҳрибон устоз-мураббий. Мени қиличбозлик билан шуғулланишга Вахоб Абдураимович ўзи чақирган. Улар шу даражага етишим учун мен билан тенгма-тенг ҳаракат қилиб келмоқда. Мен учун тренерим кўп нарса қилганини эътироф этаман ва улардан миннатдорман.
- Энг эсда қоларли бўлган халқаро мусобақадаги иштирокингиз ҳақида айтиб беринг?
- Катталар ичида Ўрта Осиё чемпионатида кучли тўртталикка кириш жангимда 12:5 ҳисоби билан ютказаётган пайитимда 15:14 ҳисоби билан ютганман. Ўшанда мен учун жудаям кучли беллашув бўлган, якунда фаҳрли 3-ўринни олганман.
- Жамоадаги дўстларингиз ва рақибларингизнинг қайси томонларини ўрганишга ҳаракат қиласиз?
- Бошқалардан ўрганмиман, ўзим ўзим учун янгликлар яратаман.
- Сиз учун беллашувларда финалгача бўлган баҳслардан ўтиш қийнми ёки финал босқичими?
- Ҳар доим ҳар хил, кўпинча финалга чиқиш бироз қийинроқ кечади.
- Оила аъзоларингиз ҳам спорт билан шуғулланадими?
- Албатта, биз спорт билан оилавий шуғулланамиз.
- Спортда сизга ким ва нима кучли мотивация беради?
- Катъиятлик бўлиш ва менинг энг яқин одамларим.
- Истиқболдаги мақсад ва режаларингиз
- 2022 йилда Жаҳон чемпиони ҳамда 2024 йилги Олимпияда ўйинлари чемпиони бўлиш.
