Рапирада хитойлик Хуан Менгкай Олимпиада йўлланмасини қўлга киритди

Хабарингиз бор, пойтахтимиз қиличбозлик бўйича Токио-2020 Олимпиадасига йўлланма тақдим этувчи Осиё-Океания лицензион саралаш турнирига мезбонлик қилди. Турнирнинг иккинчи кунида рапира йўналишидаги спортчилар ўзаро кураш олиб боришди.

Олимпиада йўлланмаси учун кечган финал беллашувида хитойлик Хуан Менгкай ва малайзиялик Ҳанс Шен Ёнг кураш олиб борди. Якунда хитойлик спортчи рақибини 15:6 ҳисобида мағлубиятга учратиб, Токио-2020 Олимпиадасига лицензияни қўлга киритди.

Рапира бўйича баҳсларда иштирок этган вакилимиз Аҳмадиллоҳ Солиҳожиев гуруҳ босқичидан муваффақиятли ўтиб, нимчорак финалга чиқди. Ушбу босқичда Қувайт вакилини ишончли тарзда мағлуб этган Солиҳожиев чорак финалда хитойлик, аниқроғи рапира йўналишида ғолиб бўлган спортчи Хуан Менгкай билан баҳс олиб борди.

Афсуски, спортчимизга бироз омад етишмади. Рақибига имкониятни бой бериб қўйган рапирачимиз Ахмадиллохон мусобақани эрта тарк этишга мажбур бўлди.

Якуний натжалар эса қуйидагича:

1. Хуан Менгкай - CHN

2. Ҳанс Шен Ёнг - MAS

3. Чен Чих Чиэх - TPE

3. Нгуен Минх Куанг - VIE

Ўзбекистон қиличбозлик федерацияси Матбуот хизмати