«Спортни сев, спорт билан яша!»: чекка ҳудудларда ҳам мунтазам спорт мусобақалари ташкил этилмоқда

«Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Президент Фармони билан мамлакатимизнинг барча ҳудудларида жисмоний тарбия ва спортни оммалаштириш, аҳолининг барча қатламлари, айниқса ёшлар орасида соғлом турмуш тарзини кенг тарғиб этиш белгилаб қўйилган.

Бу борада кейинги йилларда Самарқанд вилоятида ҳам салмоқли ишлар амалга оширилмоқда. Жумладан, вилоятнинг чекка туманларида мунтазам спорт мусобақалари ташкил этилиб, унда аҳоли, айниқса ёшлар фаол иштирок этишяпти.

Кеча вилоятнинг Нарпай туманидаги болалар ва ўсмирлар спорт мактабида енгил атлетика бўйича «Спортни сeв, спорт билан яша!» шиори остида мусобақа ташкил этилди. Унда нафақат Нарпай тумани, балки қўшни туманлардан ҳам жамоалар иштирок этишди. Мусобақада жами 200 нафардан ортиқ ўқувчи ёшлар ўзаро баҳслашдилар.