Фото: Cosmopolitan
Сўнгги вақтлар тренддан тушмай қолган кенг ва романтик услубдаги юбкани фақатгина пошнали туфли билан мослаш керак деб, ким айтди? Оқ кроссовка билан бундай образ янада эсда қоларли ва қизиқарли кўринишга эга бўлади. Унга оддий ёки принтли футболка қўшишингиз, ноодатий кўриниш учун эса олд қисмини боғлашингиз мумкин.
Фото: Cosmopolitan
Оқ тюл матосидан тикилган либос билан қора кроссовка кўпчилик учун одатий бўлмаган комбинация ҳисобланади. Либоснинг ўзи спорт услубидаги мазкур пойабзал билан ғалати кўриниб қолмаслиги учун устингизга узун, қора пальто кийиш тавсия қилинади.
Шунингдек, оқ кроссовкани баҳор фаслининг асосий трендларидан ҳисобланган костюм-шорти билан кийиш ҳам ўзига хос услубда бўлишга сабаб бўлади. Бунинг учун кенг шорти ва oversize бичимли жакет танланг. Мазкур умумлашма 80 йилларга хос экани сабаб кроссовкани ихчам бўлмаганини танлаганингиз яхши.
Фото: Elle
Жинси билан киядиган бўлсангиз, образни спорт услубидаги узун, оқ пайпоқ билан якунланг. Уни шим устидан чиқарсангиз, янада замонавий кўринасиз. Устингиздан чармдан тикилган кенг куртка кийинг.