Тайёргарликни руҳиятингизни тетиклаштиришдан бошлашингиз керак. Бутун оиланинг кайфияти кўтаринки бўлиши учун, қалбга оғриқ берувчи хотиралардан қутилиш лозим. Бир-бировидан кечирим сўраш, билиб ва билмай гапириб қўйган гапларини унутиш муҳим. Ундан кейин янги йилга тайёргарлик қилса самимият билан ёндошилган бўлинади.
Энди сиз дизайнерлик қобилиятингизни ишга соласиз. Арча безаб болажонларга хурсандчилик берувчи муҳит ҳам яратишингиз мумкин. Арча безакларига ижодий ёндошиш яхшироқдир. Бу ноёб ва такрорланмас эсдалик буюмлари оилангизда байрамона кайфиятни пайдо қилади. Ҳатто йиллар ўтиб, янги буюмлар қўшиб, ўз коллекциянгизни тўлдириб борсангиз бўлади.
Ишонинг, ўн-ўн беш йилдан сўнг ёши улғайиб қолган болалар ўзларининг дастлабки ижодий ишларига меҳр билан қарашади, оилавий байрамлар, илиқ муносабатларга интилишади.
Яратилган янги йил муҳитини муаттар ифорлар билан тўлдириш зарур. Ўзбекона ифор қуритилган кўкатлар солинган кўк сомса ҳам бўлиши мумкин.
Кечқурун Янги йил фильмлари, мультфильмлари ва эртакларини томоша қилиш нафақат байрам кайфияти билан мослашишнинг яхши усули, балки бутун оила билан учрашиш учун ажойиб имкониятдир.
Болаларни ўзингизнинг болалигингиздан бери кўриб келаётган севимли фильмлар билан таништиринг ёки ўзингиз кўрмаган янги картиналарни танланг. Асосийси, фарзандларингизнинг истак-хохишларини инобатга олинг. Янги йил фильмини биргаликда томоша қилиш ва муҳокама қилиш кўнглингизни кўтаради ва сизга ижобий таъсир кўрсатади. Ёш болалар тунда янги йил эртакларини ўқишлари мумкин, — дейди мутахассис.
— Шунингдек, бобо ва бувижонлар билан Янги йил хақида суҳбатлашиб, уларга келажак ҳақидаги орзуларингизни сўзлаб беринг. Бу психология тилида “Нейро лингвистик дастурлаш” деб аталади ва инсон онгига келажак дастурини ўрнатиш дейилади. Боболаримиз эса буни “Ниятингга яраша бўлаверади!”, деб уқтиришади халқона тилда. Албатта, онг остидаги ҳар бир муҳрланган дастур келажагингиздаги ёрқин кунларингизга айланади.
Психологнинг сўзларига кўра сўнгги бир йил ичида тўпланган фотосуратлар, болалар ижодий ишлари ва расмларини томоша қилиш сизни ёқимли дақиқаларга ошно этади