Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги Фармони ижросини таъминлаш ҳамда Наманган вилояти ҳудудий дастурига мувофиқ Наманган шаҳрида “Street Workout” бўйича вилоят биринчилиги ташкил этилди. Вилоятнинг Чуст туманида ташкил этилган мусобақада ҳар бир тумандан 2 нафардан, жами 24 нафар ёшлар ғолиблик учун кураш олиб боришди.
Мусобақада уюшмаган ёшлар билан бир қаторда олий таълим, касб-ҳунар таълими муассасалари ўқувчи ва талабалари ҳам иштирок этди. Беллашувлар якунига кўра статика, динамика ва техника йўналишларида куч синашган ёшлар ичида тўрақўрғонлик Сардорбек Пирматов 1-ўринни эгаллаб, Республика финал босқичига йўлланмани қўлга киритди.
“Street Workout” бўйича Республика финал босқичи шу йилнинг декабрь ойининг сўнгги ўн кунлигида Тошкентда ўтказилиши режалаштирилган.