18 ноябрь - Ўзбекистон Республикасининг “Давлат байроғи тўғрисида”ги қонуни қабул қилинган кун.

Бугун Ўзбекистон Республикаси давлат байроғи тўғрисидаги қонун қабул қилинганига 29 йил тўлди.

Азиз ватандошлар, Ўзбекистон қиличбозлик Федерацияси Сизларни Давлатимиз рамзи - Ўзбекистон Республикаси байроғи қабул қилинган кун билан самимий қутлайди.
Жаҳон спорт ареналари узра ҳамиша Ўзбекистонимиз байроғи юксакларда ҳилпираб турсин!

БАЙРОҚ - Давлат ва Миллат рамзи!

Давлат байроғи Ўзбекистон Республикасининг 1991 йил 18 ноябрдаги 407-XII-сонли «Ўзбекистон Республикасининг Давлат байроғи тўғрисида»ги Қонуни билан тасдиқланган.

Ўзбекистон Республикасининг Давлат байроғи Ўзбекистон Республикаси давлат суверенитетининг рамзидир.

Ўзбекистон Республикасининг Давлат байроғи халқаро муносабатларда Ўзбекистон Республикасининг тимсоли бўлади.

Ўзбекистон Республикасининг Давлат байроғи  қабул қилинганлигининг 29 йиллиги муборак бўлсин!

Қиличбозлик бўйича Ўзбекистн Миллий терма жамоа аъзолари ушбу байрам муносабати билан флешмоб ташкил этишди.

ВАТАН БАЙРОҒИ

Юрт байроғин ҳар жойгамас,
Кўнглингга эк. Кўксингни ўй.
Ишлов бергин, юмшатиб тур
Илдиз отсин, кўрсатсин бўй.

То бу байроқ, Ватан, нурлар
Ич-ичингга кетсин кириб.
Токи ғаним — ватанхўрлар,
Ололмасинлар суғуриб.

Шундай ўргат қулни, хонни,
Учмас қуш ҳам учар бўлсин.
То байроқдан олдин жонни
Бермоқ осон кечар бўлсин.

Ҳалима Худойбердиева, Ўзбекистон халқ шоири