Финляндиянинг Хельсинки университети олимлари болалар вақтини тоза ҳавода ўтказиши ва лой ўйнаши кераклигини аниқлади. The Guardian’нинг маълум қилишича бу иммунитет мустаҳкамланишига ёрдам беради, деб ёзади «Korrespondent.net».

Тадқиқотда 3 ёшдан 5 ёшгача бўлган жами 75 нафар бола иштирок этган. «Натижани кўриб жуда ҳайратда қолдик», — дейди мутахассис Аки Синкконен.

Тадқиқот доирасида болалардан иборат бир гуруҳ иштирокчилар кун давомида ўртача 90 дақиқа очиқ майдонда лой ўйнаган. Иккинчи гуруҳдаги болалар эса вақтини шаҳарда ўтказган.

Олимлар, шунингдек, болалар иммун системасини мустаҳкамлаш учун лой ва ўсимликлар бўлмаган жойларга турли микроблардан иборат қумли ўйин майдончаларини ўрнатиш имкониятини ўрганмоқда, дейилади хабарда.

https://daryo.uz/k/2020/10/17/olimlar-bolalarning-loy-oynashi-salomatlik-uchun-foydali-ekanligini-isbotladi/