Olamsport.com nashrining maʼlum qilishicha, ushbu reytingdan olti nafar oʻzbekistonlik bokschi oʻrin olgan.

Eʼlon qilingan reytingda Murodjon Ahmadaliyev ikkinchi yengil vazn toifasida (-55,3 kg) chempion sifatida qayd etilgan. Ahmadaliyev shuningdek IBF yoʻnalishi chempioni ham hisoblanadi.

Birinchi yarim oʻrta vazn toifasida (-63,5 kg) ikki bokschimiz oʻrin almashgan. Shahram Gʻiyosov yettinchi oʻrindan oltinchi oʻringa koʻtarilgan. Shohjahon esa mos ravishda oltinchi oʻrindan yettinchi pogʻonaga tushgan.

Birinchi oʻrta vazn (-69,85 kg) toifasida Isroil Madrimov esa hamon ikkinchi oʻrinda turibdi. Eslatib oʻtamiz, hamyurtimiz bu vazn toifasida kamar uchun majburiy daʼvogar hisoblanadi.

Ikkinchi oʻrta vazn toifasidagi bokschimiz Bektemir Meliqoʻziyev (-76,2 kg) esa 15-oʻrindan 14-oʻringa koʻtarilgan boʻlsa, yarimogʻir vazn toifasida (-79,3 kg) Rustam Toʻlaganov ham TOP-15dagi oʻrnini saqlab qolgan – 15-oʻrin.

Jismoniy tarbiya va sport vazirligi
Matbuot xizmati