Shu boisdan, Oʻzbekiston Respublikasi Jismoniy tarbiya va sport vazirligining masʼul xodimlaridan iborat ishchi guruh vakillari joylarda yosh sportchilarning mashgʻulotlar jarayonlariga qaytishlari uchun yaratilayotgan shart-sharoitlar va sport taʼlim muassasalarining bugungi holati bilan yaqindan tanishib chiqmoqda.

Jumladan, ishchi guruh vakillari bugun, 11-iyun kuni Qashqadaryo viloyati jismoniy tarbiya va sport boshqarmasi tasarrufidagi Yakkabogʻ tumani 1-sonli bolalar-oʻsmirlar sport maktabida boʻlishdi.

Mazkur bolalar-oʻsmirlar sport maktabida hozirgi vaqtda sportning sambo, kurash, voleybol, taekvondo VTF, dzyudo, boks, futbol, yengil atletika, qoʻl toʻpi, jiu-jitsu, badiiy gimnastika, stol tennisi singari 12 ta turlarida jami 23 nafar malakali trenerlar faoliyat koʻrsatayotgan boʻlsa, shundan 3 nafarini ayol trenerlar tashkil qiladi.

Qashqadaryo viloyati boʻyicha “yashil” hudud toifasiga kiritilgan Yakkabogʻ tumanida sport seksiyalari, toʻgaraklari, sport zallari va fitnes-klublar faoliyati ham karantin qoidalari talablari asosida yoʻlga qoʻyilmoqda.

Shu bilan birga sport maktabida 56 ta sport guruhlari tashkil etilgan boʻlib, ularda jami 1 130 nafar (shundan 184 nafarini qizlar tashkil etadi) yoshlar muntazam ravishda shugʻullanib kelishmoqda.

Oʻzbekiston Respublikasi Prezidentining 2020-yil 24-yanvardagi PF-5924-sonli Farmoni bilan Yakkabogʻ tumani dzyudo, sambo, ot sporti sport turlariga ixtisoslashtirilgan boʻlib, hududda ushbu sport turlarini rivojlantirish boʻyicha aniq chora-tadbirlar rejasi ishlab chiqilgan.

Shu kunlarda tumanda va BOʻSMda suv sporti turlarini rivojlantirish maqsadida bunyod etilayotgan yopiq suv sporti inshooti binosi qurib bitkazilish arafasida turibdi.

Zamonaviy shart-sharoitlarga ega boʻladigan ushbu suzish havzasi ishga tushirilgach, har kuni mingdan ziyod suv sportiga qiziquvchi yoshlarni muntazam mashgʻulotlar olib borishi uchun sharoit yaratiladi.

Jismoniy tarbiya va sport vazirligi
Matbuot xizmati