“Faxriy murabbiy” ordeni taʼsis etildi
Oʻzbekiston Respublikasi Prezidenti Shavkat Mirziyoyev 2020-yil 9-iyun kuni OʻRQ–622-sonli “Faxriy murabbiy” ordenini taʼsis etish toʻgʻrisida”gi Qonunni imzoladi.
Qonun bilan “Faxriy murabbiy” ordeni taʼsis etildi va orden toʻgʻrisidagi nizom tasdiqlandi.
“Faxriy murabbiy” ordeni bilan yoshlarni Vatanga muhabbat va sadoqat ruhida tarbiyalash, ularni yot gʻoyalardan asrash, yosh avlod vakillarida faol fuqarolik pozitsiyasi va mafkuraviy immunitetni, tashabbuskorlik, fidoyilik va axloqiy fazilatlarni shakllantirishga hissa qoʻshgan Oʻzbekiston fuqarolari mukofotlanadi.
Ushbu orden bilan mukofotlangan shaxslar BHMning 40 baravari (8 mln 920 ming soʻm) miqdoridagi bir martalik pul mukofotini oladi va qonun hujjatlarida belgilangan imtiyozlardan foydalanadi.
Qonun rasmiy eʼlon qilingan kundan eʼtiboran kuchga kiradi.
Jismoniy tarbiya va sport vazirligi
Matbuot xizmati