Oʻzbekiston Professional futbol ligasi bosh direktori Davron Shoqurbonov joriy yil 25-may kunidan oʻz arizasiga muvofiq egallab turgan lavozimidan ozod qilindi.

Shu sababli, Oʻzbekiston futbol assotsiatsiyasi prezidenti A.Azizovning taqdimiga binoan Diyor Imomxoʻjayev Oʻzbekiston Professional futbol ligasi Ijroiya qoʻmitasi tomonidan bosh direktor vazifasini bajaruvchi etib tasdiqlandi.

Undan oldingi direktor Davron Shoqurbonov 2019-yil 17-iyun kuni OʻzPFL bosh direktori vazifasini bajaruvchi etib tayinlangan edi. Diyor Imomxoʻjayev bunga qadar Bosh direktorning sport ishlari boʻyicha oʻrinbosari lavozimida ishlab kelayotgan edi.