Дангасалик ёки иккиланиш билан курашишга ва ҳар қандай ишни бошлашга ёрдам берадиган оддий «5 сония» қоидаси мавжуд.
Ушбу қоида қандай ишлайди?
Aгар мотивациянгиз камаяётган ва қатъиятсизлигингиз ошаётганини сезсангиз, ушбу кичик қоидадан фойдаланишни бошланг. 5 дан 1 гача ҳисобланг ва битта фикр билан чалғимасдан ҳаракатларни давом эттиринг. Бу ҳеч қандай фойда келтирмайдиган бефойда маслаҳат деб ўйламанг. Aмалиёт шуни кўрсатадики, бу ўзингизни қўлга олиш ва ҳаракат қилиш учун жуда самарали усулдир.
Aгар ҳали ҳам бунга ишонмаётган бўлсангиз, унда фикрларингизни ўзгартиришга ёрдам берадиган қуйидаги иккита далилни мисол келтириш мумкин:
- Ҳисоблашни бошлаганингизда, онгостингиз буни ҳаракатга чақирув сифатида қабул қилади. Агар охирида «Старт!», «Кетдик!» деган сўзларни айтсангиз ёки «Бор!» десангиз, унда ўйлаган қарорингизни қабул қилиш осон кечади.
- Барча ваъдаларингизни эсланг. Масалан, кимдир ўзини ёлғон гапирмасликка аҳд қилган. Шунинг учун, бирор нарса қилиш керак бўлганда, охирги рақам «1»ни санагандан сўнг, буни бажаришга ваъда беринг. Кўзингизда «ёлғончи» бўлиб кўринмаслигингиз учун ҳам, албатта, буни қиласиз. Масалан, агар эрталаб барвақт туришга ваъда берган бўлсангиз, унда эртаси куни эрталаб бу ҳақда унутиб, будильникни ўчириш керак эмас. 5, 4, 3, 2, 1 деб ҳисобланг ва кўзларингизни очинг ва кунни бошланг.
5 сония қоидасига чуқур аҳамият берманг: бу шунчаки оддий ваъдани бажариш учун фойдали бўлиши мумкин. Мисол учун, агар асабингиз ҳаддига етиб келган ва дунёни бузиб ташлашга тайёрлигини ҳис қилсангиз; ёки диплом иши ёзишни бошлаш учун концентрация қила олмаётган бўлсангиз, уни синаб кўринг.
Ёдда тутингки, ҳар қандай ишдаги энг қийин нарса – бу бошлаб олиш. Кейин у сизга осон бўлиб қолади. Шунинг учун, ўзингизга янги мақсадлар қўйинг ва уларга эришинг!
Манба: https://lifehacker.ru/pravilo-5-sekund/