Тошкентда қиличбозлик бўйича Ўзбекистон Чемпионатига старт берилди
Тошкентда қиличбозлик бўйича
Ўзбекистон Чемпионатига старт берилди
Ўзбекистон Республикаси Жисмоний тарбия ва спорт вазирлиги ҳамда Ўзбекистон қиличбозлик федерациясининг спорт ва оммавий жисмоний тарбия тадбирларининг 2020 йил учун республика календарь режасига мувофиқ қиличбозлик бўйича Ўзбекистон терма жамоаси учун муносиб ўриндошларни саралаб олиш ва иқтидорли спортчиларни аниқлаш мақсадида, 2020 йил 10 - 15 март кунлари қиличбозликнинг барча тури бўйича катталар ўртасида Ўзбекистон Чемпионати ўтказилмоқда.
Бугун, мазкур турнир доирасида бўлиб ўтадиган мусобақаларнинг дастлабки кунида қиличбозликнинг шпага йўналишидаги яккалик бахслари Тошкентдаги “Пахтакор” қиличбозлик спорт залида бўлиб ўтмоқда. Шпагачилар мусобақасида республикамизнинг барча вилоятларидан келган 115 нафар (70 нафар эр., 45 нафар аёл.) спортчилар ғолиблик учун кураш олиб боришмоқда.
Биз барча қиличбозларга омад тилаймиз!
ЎҚФ матбуот хизмати