ЎСМИР ВА КАДЕТЛАР ЎҚУВ-МАШҒУЛОТ ЙИҒИНИГА КИРИШИШДИ

ЎСМИР ВА КАДЕТЛАР ЎҚУВ-МАШҒУЛОТ

ЙИҒИНИГА  КИРИШИШДИ

 

Сўнги йилларда Ўзбекистон қиличбозлик федерацияси томонидан истеъдотли ва истиқболли спортчиларни саралаш ва терма жамоа таркибини шакллантириш борасида, айниқса юртимиз ҳамда чет элларда спортчи-қиличбозларнинг ўқув-машғулот йиғинларини ташкил этиш, уларнинг нуфузли халқаро мусобақаларда муносиб иштирок этишларини таъминлашга бўйича тизимли ишлар амалга оширилмоқда. Қиличбозларнинг спорт маҳоратларини ошириш учун барча қулай шароитлар яратилмоқда.

Шу кунларда қиличбозлик бўйича Ўзбекистон ўсмирлар ва кадетлар терма жамоа аъзолари пойтахтимиздаги “Пахтакор” ва “Ёшлик” қиличбозлик залларида 2020 йил январь ойида қиличбозликнинг шпага, рапира ва сабля йўнилишлари бўйича яккалик ҳамда жамоавий баҳсларда бўлиб ўтадиган Республика Чемпионатига тайёргарлик кўриш учун ўқув-машғулот йиғинларини бошлаб юборишди.

Таъкидлаш жоизки, спортчилар учун қўшимча рейтинг балларни тақдим этувчи Ўзбекистон Чемпионати доирасида ўтказилган мусобақаларнинг якуний натижаларига кўра юқори кўрсатгичларга эга бўлган қиличбозлар келгусида бўлиб ўтадиган халқаро турнирларда иштирок этиш имкониятини кўлга киритади.

Эндиликда қиличбозларимиз терма жамоасида 2020 йил февраль ойи охирида  Джакарта шаҳри (Индонезия)да кадетлар ва ўсмирлар  ўртасида бўлиб ўтадиган Осиё Чемпионати ҳамда шу йил апрель ойида Солт-Лейк-Сити шаҳри (АҚШнинг Юта штати)да бўлиб ўтадиган Жаҳон чемпионатига қизғин тайёргарликни бошланди. Шунингдек, кадет ва ўсмир қиличбоз-спортчиларни 2022 йилда хитойнинг Пекин шаҳрида бўлиб ўтадиган Олимпия ўйинларига ҳам тайёрлаш бўйича аниқ мақсадга йўналтирилган ишлар олиб борилмоқда.

 

Ўзбекистон қиличбозлик федерацияси Матбуот хизмати