ЁШ ҚИЛИЧБОЗЛАР РАПИРА ЙЎНАЛИШИДА КАРШИ ШАҲРИДА БЕЛЛАШДИЛАР
ЁШ ҚИЛИЧБОЗЛАР РАПИРА ЙЎНАЛИШИДА
КАРШИ ШАҲРИДА БЕЛЛАШДИЛАР
Жорий йил 29-30 ноябрь кунлари Карши шаҳрида қиличбозлик бўйича 2006-2011 йилларда туғилган ўғил болалар ҳамда қизлар ўртасида “Ўзбекистон Республикаси Конституцияси куни”га бағишланган очиқ турнир бўлиб ўтди. Мазкур турнирнинг биринчилиги учун Қашдарё ҳамда Хоразм вилояти қиличбозлари ўзаро баҳс олиб боришди.
Яккалик ҳамда жамоавий баҳслар якуний натижаларига кўра қуйидаги спортчилар ушбу Очиқ турнир совринларига эга бўлдилар.
Қизлар ўртасида яккалик биринчилиги учун олиб борилган беллашувларда Карши шаҳридан Татьяна Клычева ғалаба шоҳсупасининг юқори поғонасини эгаллаб, у биринчи ўринни қўлга киритди.
Шоҳсупанинг 2-ўринини эса Хивалик (Хоразм вилояти) О.Рузметова эгаллади. Шундай қилиб, ушбу мусобақанинг 3-ўрни Қарши шаҳридан Камила Аллабердиева ва Хоразм вилояти спортчиси А.Ражаббаеваларга насиб этди.
Қиличбозлик бўйича 2006-2008 йилларда туғилган ўғил бола спортчилар ўртасида қизғин кечган яккалик курашида Хивалик қиличбоз Амирхон Зарипбоев ғолибликни қўлга киритиб, мазкур турнирнинг биринчи ўринига лойиқ деб топилди.
2-ўрин Қарши шаҳридан, Хусан Маруфжлоновга насиб этди. 3-ўрин эса Қашқадарёлик рапиристлар Роман Джураев ҳамда Самандар Хайдаровларга насиб қилди.
Шунингдек, 2009-2011 йилларда туғилган спортчилар орасида Хивалик яна бир ёш қиличбоз Ферузбек Отаназаров ҳам биринчилик учун муносиб кураш олиб борди ва натижада у ҳам турнир ғолибига айланди.
Шундай қилиб, ўғил болалар ўртасида қиличбозликнинг рапира йўналишида ўтказилган жамоавий баҳсларда ҳам Хива шиҳридан — Ферузбек Отаназаров, Камрон Отаназаров и Амирхан Зарипбаевлар 1-ўринни қўлга киритишди.
Айтиш керакки, мазкур мусобақа ўзининг аҳамиятлилиги билан ёшлар ўртасида қиличбозликни янада оммалаштириш, келажак авлдод саломатлигини мустаҳкамлаш, кичик ёшдаги спортчиларнинг қиличбозлик бўйича спорт маҳоратларини ошириш, мамлакатимиз минтақалари ўртасида ўзаро дўстлик ва спорт муносабатларини мустаҳкамлаш ҳамда мураббийларнинг тажриба алмашинувини самарали амалга ошириш каби мақсадларга хизмат қилади.
ЎҚФ матбуот хизмати
