Қиличбозликни инновацион ривожлантиришга бағишланган халқаро конференция «ОСИЁ ҚИТЪАСИДА ҚИЛИЧБОЗЛИКНИ ИННОВАЦИОН РИВОЖЛАНТИРИШ»

Қиличбозликни инновацион ривожлантиришга бағишланган халқаро конференция 17 ноябрда Тошкентда ўсмир қизлар ўртасида сабля бўйича Жаҳон кубоги мусобақалари доирасида биринчи маротаба “Осиё қитъасида қиличбозликни инновацион ривожлантириш” мавзусида халқаро конференция бўлиб ўтди. Унинг ишида Халқаро қиличбозик федерациясининг масъул ходимлари, Панамерика ва Осиё қиличбозлик конфедерациялари, 24 давлат миллий қиличбозлик федерациялари раҳбарлари иштирок этди. Конференцияда сўзга чиққан Халқаро қиличбозлик федерацияси Ижроия қўмитасининг аъзоси, Панамерика қиличбозлик конфедерациясининг президенти В.Логвин Ўзбекистон раҳбариятининг спортни, шу жумладан қиличбозлик спортини ривожлантиришга катта эътибор бераётганлигини алоҳида таъкидлади. Мамлакатнинг барча минтақаларида янги қиличбозлик заллари барпо этилмоқда, спортнинг ушбу тури билан шуғулланаётган болалар ва ўсмирлар сони ортиб боряпти. Кейинги йилларда Ўзбекистонда қиличбозлик бўйича халқаро ва минтақавий мусобақалар ҳам катта муваффақият билан ўтказиляпти. Марказий Осиё мамлакатлари, шу жумладан Ўзбекистон спортнинг ушбу тури бўйича халқаро мусобақаларда катта муваффақиятларга эришишлари учун қиличбозларни мусобақаларга тайёрлашнинг инновацион усулларидан кенг фойдаланиш зарур. Ушбу замонавий технологиялар олий спортни ривожлантиришда хал қилувчи омиллардан биридир. Жумладан, Панамерика қиличбозлик конфедерацияси “Мактабдан - Олимпиа ўйинларига” концепциясини ишлаб чиқди ҳамда қиличбозлик спортини оммалаштириш мақсадида фахрийлар ва болалар ўртасида жаҳон биринчилигини ўтказиш ташаббусини илгари сурди. Ушбу тажриба Осиё мамлакатлари миллий қиличбозлик федерациялари учун ҳум фойдадан холи эмас. Ўзбекистон Миллий олимпиа қўмитасининг президенти, Марказий Осиё қиличбозлик конфедерациясининг раиси Р.Шоабдураҳмонов мамлакатнинг жамиятда соғлом турмуш тарзини қарор топтириш, аҳолини, айниқса ёшларни спорт билан шуғулланишга жалб этиш соҳасидаги тажрибаси билан ўртоқлашди. Ўзбекистон Республикасининг Президенти Ш.М.Мирзиёевнинг беш стратегик ташаббусида мамлакатда жисмоний тарбия ва спортни ривожлантиришга иккинчи ўринда туради. Ушбу ташаббус доирасида ҳар бир шаҳар ва туман марказларида спорт мажмуалари бунёд этилмоқда. Олимпия спорт марказини барпо этиш ҳам режаланмоқда. Ўзбекистон спортининг янги турларини, жумладан елканли қайиқ спортини ривожлантириш чораларини кўрмоқда. Бунинг учун зарур спорт инфратузилмалари ташкил этиляпти. Ўзбекистон, шунингдек Болалар ва ўсмирлар ўртасида Осиё ўйинлари, шунингдек Осиё спорт ўйинларига мезбонлик қилиш ниятида. Халқаро конференцияда сўзга чиққан профессор Хуан Карлос қиличбозларни мусобақаларга руҳий тайёрлашга алоҳида эътибор қаратди. У ҳозирги пайтда спортчилар ва тренерлардан доимо спортдаги инновацион янгиликлардан хабардор бўлиш ва уларни самаралари қўллаш талаб этилаётганига урғу берди. Бу инновациялар хилма-хилдир: спорт машқларининг янги услубиётлари, спортчиларининг тиббий формокологик қўллаб-қувватлаш ва бошқалар. Қиличбозларнинг жисмоний ва техник-тактик тайёргарлиги нисбатан тенг бўлган ҳолатда уларни мусобақаларга руҳий пухта тайёрлаш муваффақиятга эришишнинг ҳал қилувчи омили ҳисобланади. Шунинг учун спортчиларни мусобақаларга руҳий тайёрлаш ҳамда мураккаб шароитларга тез мослаша олишга ўргатиш жуда муҳҳимдир. Бу, бир томондан, мусобақалар ўтказилишининг бетакрорлиги, иккинчи томондан, ҳар бир спортчи шахснинг ўзига хослиги билан изоҳланади. Осиё қиличбозлик конфедерацияси президенти С.Даурит, Эрон миллий қиличбозлик федерацияси раҳбари М.Кехамий, Қирғизистон қиличбозлик федерациясининг раҳбари У.Қосимов конференцияда муҳокама этилган қиличбозлик спортини инновацион ривожлантириш масаласи спортчиларни нуфузли халқаро мусобақаларга тайёрлашни ташкил этишдаги ҳал қилувчи аҳамиятини алоҳида таъкидладилар.