“Москва қиличи” туринирида иштирок этишади
Россия пойтахтида 24 майдан 26 майгача “Москва қиличи” қиличбозлик бўйича ҳар йилги халқаро турнири бўлиб ўтади. Ушбу халқаро мусобақа 1973 йилдан бошлаб ўтказиб келинмоқда ва ҳозирги пайтда Гран-при мақомига эга бўлган.
2018 йилда “Москва қиличи” қиличбозлик бўйича халқаро турнирда аёллар ўртасида олимпия чемпиони София Великая ғолиб чиқди. У финалда венгириялик Анна Мартонни мағлубиятга учратди. Эркаклар ўртасида эса ғалаба Жанубий Корея қиличбози О Сангукка насиб этди. У финалда италиялик Лука Куратолини енгди. Ана шу ғолиб спортчилар қилич бўйича жаҳонда энг кучли спортчилар ҳисобланади. Бу “Москва қиличи” қиличбозлик бўйича халқаро туринирининг юксак нуфузидан далолат беради.
2019 йилда “Москва қиличи” қиличбозлик бўйича халқаро туринирида жаҳоннинг 47 мамлакатининг 200 нафардан кўпроқ энг кучли қиличбозлари иштирок этади. Бу Аргентина, Австралия, Бельгия, Бразилия, Болгария, Венесуэла, Буюк Британия, Венгрия, Германия, Греция, Миср, Ҳиндистон, Эрон, Исроил, Испания, Италия, Канада, Хитой, Колумбия, Мексика, Панама, Польша, Таиланд, АҚШ, Франция, Хорватия, Япония ва бошқа давлатларнинг спортчиларидир.
“Москва қиличи” қиличбозлик бўйича халқаро туринирида бу йил қилич бўйича Ўзбекистон терма жамоаси аъзолари ҳам иштирок этади. Улар миллий терма жамоа аъзолари бўлган Осиё чемпионатининг совриндорлари, мамлакат биринчилигининг чемпионлари ва совриндорлари Шерзод Мамутов, Позилбек Генжабоев, Бобур Расулов, Жалолиддин Душанбоев, Севинч Исмоилова, Зайнаб Дойибекова ва Яна Обвинцевалардир.
Мамлакатимизнинг бу ёш қиличбозлари 16 майдан 23 майгача Москвада Россия терма жамоаларининг “Озеро Круглое” машқ марказида ўқув-машқ йиғинини ўтказдилар.
Ўзбекистоннинг қилич бўйича терма жамоаси аъзоларининг “Москва қиличи” қиличбозлик бўйича халқаро туринирида иштирок этиши улар маҳоратини оширишга ва бўлажак муҳим халқаро мусобақаларга муваффақиятли тайёргарлик кўришларига хизмат қилиши шубҳасиздир.