Сир эмаски, буюк ғалаба ва муваффақиятлар ортида йўл қўйилган хатолардан чиқарилган хулосалар, улардан тўпланган тажриба туради. Ямайкалик Усэйн Болт ҳақида эшитмаган спорт ишқибози бўлмаса керак. Сайёрамизнинг энг тез югурадиган одами бундай ғалабаларга эришиш учун ҳам баъзан омадсиз йўлни босиб ўтган.
2004 йил ямайкалик спринтер Афинада ўзининг илк Олимпия ўйинларида иштирок этган. 18 ёшли Болт ўшанда 200 метрга югуриш баҳсида саралашнинг биринчи босқичидаёқ иштирокни якунлаган эди. Бироқ кейинчалик ушбу йигитча нималар қилиб ташлаганини жуда яхши биласиз. Ушбу видеолавҳалар орқали 8 карра Олимпиада, 11 карра жаҳон чемпионининг омадсиз старти қатори унга битмас-туганмас шон-шуҳрат келтирган иштирокларини томоша қилишингиз мумкин: