Қиличбоз-спортчилар онлайн машғулотларни давом эттиришмоқда!
Бугунги кунда мамлакатимизда эпидемиологик ҳолат сабабли жорий этилган карантин тизимини босқичма-босқич юмшатиш ишлари кўрилаётган бўлсада, пандемияга қарши курашиш чоралари ҳамда карантин тизими ҳамон давом этмоқда.
Шу боис ҳам, қиличбозлик бўйича Ўзбекистон Миллий терма жамоаси аъзоларининг аксарияти ҳар кунги бадантарбия, умумий жисмоний тайёргарлик юкламалари ва қиличбозлик машғулотларини уй шароитида давом эттиришмоқда.
Спортчиларимиз мунтазам машғулотларни онлайн, яъни масофавий тизимда қиличбозлик Миллий терма жамоа мураббийларининг кўрсатмалари ва кузатувлари остида аниқ белгиланган режа асосида олиб боришмоқда.
Ўзбек қиличбозлари барчани карантин қоидаларига тўлиқ амал қилиб, уйда бўш вақтларини спорт билан мазмунли ўтказишга чорлайди.
Уйда қолинг! Биз сиз билан коронавирусни биргаликда енгамиз!
ЎзҚФ Матбуот хизмати