Исландия ҳукумати барбод бўлган иқтисодиётни тиклаш учун ноанъанавий ечим топди. «Музли мамлакат»га келган барча сайёҳлардан тўғридан-тўғри аэропорт биносида мажбурий карантин ва COVID-19 вируси тестини танлаш сўралади. Ушбу чора жорий йилнинг 1 июлидан кучга киради.

Бугунги кунда одамлар узоқ вақт изоляцияда қолишга мажбур бўлганларида, иложи борича тезроқ саёҳат қилишни орзу қиладиганлар кўпайиб боряпти. Шиддатли рақобат шароитида Исландия ҳукумати нафақат рақобатлашадиган йўналишларни олдинга сурибгина қолмай, балки мамлакатни хавфли вирус билан касалланганлар сонининг кескин кўпайишидан ҳимоя қилишга қарор қилди. 14 кунлик карантиннинг олдини олиш учун ушбу мамлакатга ташриф буюрувчилар тест учун 115 доллар тўлашлари керак.

Исландия Соғлиқни сақлаш вазирлиги хабар беришича, тестлар июн ойининг охиригача бепул бўлиб, 1 июлдан бошлаб барча ташриф буюрувчиларга пуллик тест ва изоляцияни танлаш сўралади.

Исландиянинг экспорт тушумлари сайёҳлик саноатидан олинган фойданинг ярмига тенг. Шу сабабли, мутахассислар фикрига кўра, 2020 йилда 8 фоизга пасаядиган иқтисодиётни жонлантириш учун ҳукумат сайёҳларнинг максимал сонини жалб қилиш чораларини кўришга мажбур бўлди.

Иқтисодиёти туризм бизнесига боғлиқ бўлган Греция ва бошқа Европа мамлакатлари шу каби стратегияга амал қиладилар ва кўпгина мамлакатлардан келган сайёҳларнинг мамлакатга киришига рухсат берадилар. Aммо Буюк Британияга ташриф буюриш 14 кунлик мажбурий изоляциядан кейин мумкин бўлади.

Aпрель ойида Сицилия ҳукумати пандемиядан кейин давлат сайёҳларга чипталар нархининг ярмини тўлашга тайёрлигини маълум қилди. Туризм индустриясини қайта ишга тушириш дастурини амалга ошириш учун 50 миллион евро сарфлаш режалаштирилган.

Манба: https://incrussia.ru/news/islandiya-predlagaet-turistam/