Маълумки, бу йил ўтказилиши керак бўлган Токио-2020 ёзги Олимпия ўйинларидан аввал Халқаро Олимпия қўмитасининг (ХОҚ) 136-Сессияси ҳам ўтказилиши лозим эди. Бироқ халқаро ташкилот Олимпия ўйинлари келгуси йилга қолдирилган тақдирда ҳам мазкур тадбирни ташкил қилиш ниятида.

Маълум қилинишича, ХОҚ Ижроия қўмитаси вакиллари мазкур тадбирни онлайн ташкил қилиш масаласини кўриб чиқишмоқда. Бу борада якуний қарор 14 май куни эълон қилинади. Агар таклиф маъқулланса, 17 июль куни мазкур Сессия ўз ишини бошлайди.

ХОҚнинг таъкидлашича, Сессиянинг кун тартибидан жой оладиган масалаларни Ижроқўм тузиб чиқади. Яна бир аҳамиятли томони йиғилиш билан бирга онлайн матбуот-анжумани ҳам ташкил қилиниши режалаштирилган. Мазкур онлайн сессия жонли эфирда намойиш қилиниши белгиланган.