Интервью
Туғилган кун Муборак
Бугун қиличбозлик бўйича Ўзбекистон терма жамоаси катта мураббийи Руслан Кудаев ўз таваллуд айёмини нишонлашмоқда.
Кудаев Руслан Равильевич 1980 йил 8 май куни таваллуд топган.
Р.Кудаев ҳозирда қиличбозлик бўйича Миллий терма жамоанинг шпага йўналишида катта мураббий лавозимида фаолият юритиб келмоқда ва иқтидорли, моҳир шогирдлар тайёрламоқда.
Руслан Кудаев ўз спорт фаолияти давомида кўплаб халқаро мусобақалар ғолиб ва совриндори бўлган. У жаҳон спорт ареналарида бўлиб ўтган энг йирик туринираларда шпага йўналишида Ўзбекистон шарафини ҳимоя қилган. Жумладан, Кудаев 2012 йил Лондон Олимпиадасида иштирок этиб жаҳоннинг кучли 8 талик гуруҳи таркибидан ўрин олган.
Ўзбекистон Қиличбозлик Федерацияси Руслан Кудаевни бугунги таваллуд айёми билан табриклаб, унга аввало сиҳат-саломатлик ва келгусидаги ишларида улкан зафарлар тилаб қолади.
ЎзҚФ Матбуот хизмати Руслан Кудаев билан телефон орқали боғланиб, у билан ўз спорт фаолияти хакида суҳбатлашди. Ёш бўлишига қарамай у ўзбек қиличбоз мураббийлари орасида ўзига хос тажрибали мураббий ҳисобланади. Эътиборингизга ҳавола этилаётган видеода Руслан Кудаев бизнинг саволларимизга қуйидагича жавоб йўллади.
- Мураббийлик фаолиятингизни қачон ва қандай бошлагансиз?
- Мен ўз мураббийлик фаолиятимни 2005 йилда Навоий шаҳрида бошлаганман ва 2011 йилдан 2016 йилгача республика Олимпия захиралари коллежида ишни давом эттирдим. 2016 йилдан эса Ўзбекистон қиличбозлик Миллий терма жамоасида шпага йўналиши бўйича катта мураббий сифатида фаолият юритиб келмоқда.
- Ўзбек қиличбозларининг халқаро турнирларда эришган натижалари бўйича сиз ўз мураббийлик фаолиятингизни қониқарли дея оласизми?
- Мураббий сифатида ишлаган давримда якка тартибдаги мусобақада 2 карра Осиё чемпионини тарбиялашга эришдим. Шпага йўналиши терма жамоа катта мураббийи сифатида олиб борган фаолиятим давомида 2018 йили катталар терма жамоаси Банкок шаҳрида (Таиланд) ўтказилган Осиё чемпионатида бронза медалини қўлга киритди. Албатта баҳони спортчиларнинг эришган ютуқлари белгилайди.
- Ҳозирги кунда терма жамоа таркибидаги шпагачи-спортчилар келгусидаги халқаро турнирлага қандай тайёргарлик кўришмоқда?
- Айни пайтда Карантин сабали қиличбоз-спортчилар уй шароитида машғулотларни олиб боришмоқда. Аблбатта, 2021 йилда Токио (Япония)да бўлиб ўтадиган ёзги Олимпиада ўйинларида иштирок етиш учун лицензион турнирларга тайёргарлик ишлари олиб бориш учун махсус дастур ишлаб чиқилган бўлиб, унга асосан спортчилар билан онлайн тизимида масофавий машғулотлар узлуксиз равишда ўтказилмоқда.
ЎзҚФ Матубот хизмати