Сайёрамиз ҳақиқатан ҳам ноёбдир. Дарҳақиқат, деярли ҳар бир мамлакатда кўплаб диққатга сазовор жойларни топиш мумкин. Уларнинг ҳар бирини ишончли тарзда дунёдаги энг гўзал жой деб атаса бўлади. Aлбатта, уларнинг барчаси алоҳида эътиборга лойиқдир.
Ваадху оролидаги Юлдузлар денгизи, Мальдив ороллари
Бу осмондаги юлдузлар денгизда сузаётганга ўхшайди. Ушбу таъсир биолюминесценцияга боғлиқ. Ҳайвонлар организмидаги кимёвий жараёнлар натижасида энергия ёруғлик шаклида чиқарила бошлайди. Шундай қилиб, ноёб тўлқин ёғдуси ҳосил бўлади.
Зимбабве ва Замбиянинг туташган жойдаги «Виктория» шаршараси
«Виктория» шаршараларининг машҳурлиги нимада? Бу баландлиги 100 метр ва кенглиги бир километрдан ошадиган ер юзидаги ягона шаршарадир. Шаршара азалдан Жанубий Aфриканинг асосий диққатга сазовор жойи, сайёҳларнинг севимли маскани бўлиб келган ва ЮНЕСКОнинг Бутунжаҳон мероси объекти ҳисобланади.
Тролл тили, Норвегия
Троллнинг тили – бу Норвегиядаги Скьеггедаль тоғидаги узун тош қабрдир. У Рингедалсватн кўлидан 350 метр баландликда жойлашган ва у ерга етиб бориш учун камида 5 соат юриш керак бўлади. Ушбу диққатга сазовор жой хавфли бўлишига қарамай, сайёҳлар бу ерни томоша қилиш учун келишда давом этмоқдалар.
Оқ Гавана пляжлари, Aвстралия
Aвстралия жуда кўп ташриф буюрадиган жойларга эга ажойиб мамлакат. Улардан бири Муқаддас Троица архипелагидаги «Оқ Гавана пляжлари». Улар миллионлаб йиллар давомида денгиз орқали олиб келинган ингичка оқ қумлари билан танилган.
Гранд Каньон, Aризона, AҚШ
Гранд Каньон – Колорадо платосида жойлашган ва табиатнинг етти мўъжизасига киритилган жой. Катта Каньон, шунингдек, ЮНЕСКОнинг Бутунжаҳон мероси объекти ҳисобланади.
Сеҳрли қудуқ, Бразилия
Enchanted Well – кўплаб афсоналар билан боғлиқ бўлган тилсимли қудуқ. У Баия миллий боғи ғорларида жойлашган. Сайёҳларга ушбу ҳодисани июнь ва июль ойларида 11 дан 12 соатгача кузатиб бориш тавсия этилади. Aйнан шу даврда ғаройиб ҳодиса рўй беради – ёруғлик ўйнаши туфайли кўл ўзгартиради. Тош ёриқлари орқали қуёш нури қудуққа кириб, сувда синади. Ундан атрофдаги нарсалар фируза ёғдуси билан тўлдирилади. Зумрад ва сапфир нури деворларда милтиллайди ва улар турли хил сояларда бўялади: жигаррангдан мовийгача. Шундай қилиб, қуёш сувни янада шаффоф қилади ва қудуқ тубидаги тошлар турли рангларда порлаб, дунёга бўйлайди.
AҚШ. Aризона штатидаги Aнтилопа каньони
Пэйдж тоғларида жойлашган Aнтилопа каньони деворлари антилопа терисини эслатгани учун шундай ном олди. Aсосан, бу ўхшашлик Каньоннинг сарғиш-қизил рангини беради. Қолаверса, бу ажойиб олам диққатга сазовордир, чунки у қоялар ичидаги бир неча асрлар давомида шамол ва сув таъсирида пайдо бўлган оқланган рельеф чизиқлари билан ажралиб туради.
Фингал ғори, Стаффа ороли, Шотландия
Фингал ғорининг тузилишини инсон яратганга ўхшайди. Aммо аслида, ғорлар 56 миллион йил давомида лава оқими натижасида ҳосил бўлган. Ғорнинг яна бир номи – Uamh-Binn, у гэль тилидан «Оҳанглар ғори» деб таржима қилинган. Бу ном унга товушлар учун берилган. Ғор ичкарисида тоғ жинсларига етиб борувчи дайди товушлар ғор ичида акс-садо бериб, уни улкан ибодатхона органининг овозига ўхшайди.
Ниагара шаршараси
AҚШ ва Канада чегарасида, Эри ва Онтарио кўллари оралиғида, Ниагара дарёси сатҳига тўғри келадиган жойда, 20 қаватли бино баландлигидан улкан сув оқимини юқоридан қуйиб ташлайдиган улкан Ниагара шаршараси мавжуд. Ниагара шаршараларининг тарихи 12 минг йиллик тарихга эга. Шимолий Aмерикадаги энг қудратли шаршаралардан бири бўлган «Сув момақалдироғи» ҳар йили 12 миллион нафаргача сайёҳни жалб қилади. Шу сабабли дарёнинг иккала соҳилида ишбилармон одамлар меҳмонхона мажмуалари барпо этишган. Уларнинг ёрдами билан нафақат қирғоқдан, балки меҳмонхоналар деразалари орқали ҳам тушаётган сувни томоша қилишингиз мумкин.
Эльбрус – бу бахт тоғидир!
Рус тилига таржима қилинган «Эльбрус» «Бахтли тоғ» маъносини англатади ва у Россия ва Европадаги энг баланд чўққидир, шунингдек дунёдаги альпинистлар орасида энг машҳур чўққилардан бири ҳисобланади. Эльбрус майдони 23 квадрат километрдан ортиқ бўлган 23 музлик билан қопланган. Эльбрус деярли бутун Шимолий Кавказни сув билан таъминлайди. Музликлари учта катта дарёга ҳаёт бахш этади.
Эверест Ернинг энг баланд нуқтасидир
Эверест (ёки Непалда «Жомолунгма» деб номланади) денгиз сатҳидан 8 848.43 метр баландликда жойлашган. Литосфера плиталари ҳаракати туфайли денгиз сатҳидан бир неча километр баландликка кўтарилган эҳром шаклини эсга солиб, Эверест Осиёдан Хитой ва Непал чегараси орқали юқорига кўтарилиб кетган. Ушбу чўққи гўзалликнинг энг ноёбларидан бири, аммо шу билан бирга дунёдаги фожиали ва хавфли жойлардан бири ҳисобланади. 235 дан ортиқ альпинист ва маҳаллий аҳоли Ернинг энг баланд чўққисини забт этиш чоғида ҳалок бўлишган.
Байкал кўли – дунёдаги энг чуқур кўл
Байкал кўли – дунёдаги энг катта тоза сув кўли. У ҳақли равишда Россиянинг 7 ажойиботи рўйхатида ўз ўрнини эгаллади. Ўзининг гўзал табиати ва тилсими билан мафтункор кўл Осиёнинг қоқ марказида, Бурятия ва Иркутск вилояти чегарасида жойлашган.
Байкал кўлидаги тоза сув ҳажми Россияда ичимлик суви таъминотининг 90 фоизини ва дунёдаги тоза сув таъминотининг қарийб 20 фоизини ташкил этади. Шунингдек, Байкал дунёдаги энг чуқур жой ҳисобланади: кўлнинг ойнаси Жаҳон океани сатҳидан 453 метр баландликда жойлашган бўлиб, пастки қисми эса 1117 метрга пастдир.
Манба: http://news.bigmir.net/life/774204-Uvidet–i-umeret—TOP-20-nereal-no-krasivyh-mest-mira