Шиддатли жанглар, муносиб ғолиблар
Шиддатли жанглар, муносиб ғолиблар
Марказий Осиё қиличбозлик конфедерациясининг кадетлар ва ўсмирлар ўртасида Биринчи очиқ чемпионати мусобақларининг иккинчи куни – 16 февралда кадетлар ва ўсмирлар рапира ва шпага бўйича шахсий биринчилик учун кураш олиб бордилар.
Ушбу мусобақаларда Марказий Осиё қиличбозлик конфедерациясига аъзо мамлакатлар терма жамоалари қуйидаги таркиб билан иштирок этди:
Рапира ўсмир қизлар:
Ўзбекистон:
Зияхўжаева Лолита
Азимова Камола
Гедикли Илайда
Илясова Умида
Парпиева Мадинабону
Шарапова Мохларбону
Мирзаева Комила
Қозғистон
Зинова Виктория
Какенова Дана
Туссипжанова Даяна
Утеинова Аяулли
Рапира ўсмир болалар:
Ўзбекистон:
Солихожиев Аҳмадиллохон
Семенеев Радмин
Собиржонов Бахтиёр
Молина Иляс
Асранов Мухаммад
Жалилов Амирбек
Солихўжаев Анвархон
Қозоғистон:
Анашко Денис
Гладков Павел
Куанткан Серикали
Мамурзаев Баҳром
Сафинов Ниязбек
Нуримов Галим
Афғонистон
Фатуллах Сажет
Кадетлар – шпага
Ўсмирлар
Ўзбекистон
Мўминов Мирзоулуғбек
Нам Дмитрий
Ғфуржонов ФарҳодбекҒГафуров Диёрбек
Наимов Авазбек
Абдулакимов Жамшид
Қозоғистон
Тинников Георгий
Уерезхеп Нурмухаммад
Мустафин Габаддин
Федотов Александр
Азмихонов Темур
Тулегенов Йелнур
Тожикистон
Асқаршозода Мухаммад
Халикдатов Алижан
Қирғизистон
Муйдинов Акмал
Юсуналиев Жоодат
Бобет улли Азат
Душекеев Абдурахман
Туркманистон
Давлатназаров Жуманазар
Қизлар- шпага
Ўзбекистон
Раҳимова Севара
Болтаева Барчиной
Ҳамидова Азиза
Абдулазизова Ойдин
Қосимова Рада
Эсонбердиева Шаҳзода
Баҳромова Лола
Тошпўлатова Ситора
Қозоғистон
Давилбекова Дарья
Шнайдер Анна
Қирғизистон
Перетякова Марья
Осмонханова Бегойим
Токтогулова Айпери
Тожикистон
Абдураҳманова Сабина
Шпага бўйича беллашувлар финалнинг 1/16 босқичидан бошланди. Шиддатли жанглардан сўнг Чемпионатнинг ярим финалига ўзбекистонлик уч спортчи - Раҳимова Севара, Болтаева Барчиной ва Эсонбердиева Шаҳзода ҳамда Қирғизистон вакиласи Перетякова Марья чиқдилар. Чемпионлик учун жанг эса Болтаева Барчиной ва Эсонбердиева Шаҳзода ўртасида бўлиб ўтди. Улар мусобақаларнинг ярмига қадар тенг кураш олиб бордилар - 7:7, 8:8, аммо кейин Шаҳзода олдинга чиқишга муваффақ бўлди – 14:10 ва ҳал қилувчи ҳамлани амалга оширди. У олтин медаль соҳибаси бўлди, Барчинойга эса кумуш медаль насиб этди.
Чемпионатнинг бронза медаллари билан бизнинг спортчимиз Раҳимова Севара ҳамда қирғизистонлик Перетякова Марья тақдирланди.
Кадетлар ўртасидаги мусобақаларда ўзбекистонлик Мўминов Мирзоулуғбек, Ғофуржанов Фарҳодбек, Абдулакимов Жамшид ҳамда туркманистонлик Давлетназаров Жуманазар дастлабки босқичларда ғалабага эришиб, ярим финал босқичига чиқдилар. Уларнинг ўзаро мусобақалари финал иштирокчилари - Мўминов Мирзоулуғбек ва Давлетназаров Жуманазарни аниқлаб берди. Туркманистонлик қиличбоз ҳисобда олдинга чиқиб олди ва устунлигини мустаҳкамлашга эришди: 5:1, 9:5, 11:6. Аммо Мўминов ҳам бўш келмади: орадаги фарқ камая бошлади - 13:11, 14:12. Шунга қарамасдан Жуманазар ҳал қилувчи зарбани беришга улгурди ва Марказий Осиё Конфедерациясининг меҳмон мамлакатлари орасида биринчи бўлиб минтақа чемпиони унвонига сазовор бўлди. Мўминов Мирзоулуғбек кумуш медаль билан чегараланди.
Ғофуржанов Фарҳодбек ва Абдулакимов Жамшидга Конфедерациянинг бронза медаллари топширилди.
Марказий Осиё қиличбозлик конфедерацияси биринчи чемпионатининг рапира бўйича шахсий биринчилиги ярим финали босқичига ҳам мезбонларнинг уч спортчиси - Илясова Умида, Зияходжаева Лолита, Парпиева Мадинабону ва қозоғистонлик Утеинова Аяулли чиқа олди.
Финалда ҳам ўзбек қиличбозлари Парпиева Мадинабону ва Зияхўжаева Лолита чемпионлик учун ўзаро кураш олиб борди. Зияхўжаева ташаббусни дарҳол ўз қўлига олди - 4:1. Аммо Мадинабону аввалига бўш келмади, ҳатто олдинга ҳам чиқиб олди – 8:4. Шундан кейин чемпионлик учун кураш тенглашди: 8:8, 9:9, 12:12. Бироқ Зияхўжаева Лолита бутун маҳоратини ишга солган ҳолда рақибини мағлубиятни тан олишга мажбур қилди – 15:12. У Конфедерация чемпиони, Мадинабону кумуш медаль эгаси бўлди.
Ярим финал мусобақаларида ўз жангларини бой берган ўзбекистонлик Илясова Умида ва Қозоғистон рапирачиси Утеинова Аяуллига бронза медаллари топширилди.
Рапира бўйича ўсмирлар ўртасидаги беллашув финалида ҳам ўзбекистонлик Асранов Мухаммад ва Солихожиев Аҳмадиллахон куч синашди. Асранов дарҳол ҳужумга ўтди – 3:1. Лекин Солихожиев Аҳмадиллахон ҳамюртидан устунроқ эканлигини тезда исботлай олди: ҳисоб муттасил унинг фойдасига ортиб борди – 8:4, 11:6, 13:8 ва ниҳоят ғалаба – 15:9. Шундай қилиб ўзбекистонлик Конфедерация чемпионлари сони яна биттага ортди. Асранов Мухаммад кумуш медаль билан тақдирланди.
