Ишчи гуруҳининг кенгаши
22 сентябрда Тошкентда 2018 йилнинг 17-18 ноябрь кунлари аёллар ўртасида қиличбозлик спортининг қилич тури бўйича бўлиб ўтадиган Жаҳон Кубогининг босқичи мусобақаларини ўтказиш бўйича ишчи гуруҳининг кенгаши бўлиб ўтди. Унда Ўзбекистон қиличбозлик федерациясининг масъул ходимлари иштирок этди.
Кенгашни Ўзбекистон қиличбозлик федерациясининг раиси Р.М.Шоабдураҳмонов олиб борди.
Кенгашда Федерация масъул ходимларининг Тошкентда 2018 йилнинг 17-18 ноябрь кунлари аёллар ўртасида қиличбозлик спортининг қилич тури бўйича Жаҳон Кубогининг босқичи мусобақаларига тайёргарлик кўриш ва ўтказиш бўйича белгиланган чора-тадбирлар бажарилишининг бориши ҳақидаги ахборотлари тингланди. Бунда мусобақаларни ўтказиш бўйича техникавий топшириқларни изчил амалга ошириш, қиличбозлик залларини танлаш ва тайёрлаш, Жаҳон Кубогининг босқичи мусобақалари қатнашчилари, ҳакамларини таклиф этиш, бошқа ташкилий масалаларни белгиланган муддатларда ҳал этишга алоҳида эътибор қаратилди.
Кенгаш якунлари бўйича Тошкентда аёллар ўртасида қиличбозлик спортининг қилич тури бўйича Жаҳон Кубогининг босқичи мусобақаларига пухта тайёргарлик кўриш ва уларни юқори савияда ўтказиш бўйича қўшимча чоралар белгиланди.