ТОШКЕНТДА ҚИЛИЧБОЗЛИК БЎЙИЧА КУЧЛИЛАР ТУРНИРИГА СТАРТ БЕРИЛДИ

ТОШКЕНТДА ҚИЛИЧБОЗЛИК БЎЙИЧА КУЧЛИЛАР ТУРНИРИГА СТАРТ БЕРИЛДИ
 
Бугун пойтахтимиздаги “Пахтакор” қиличбозлик залида катталар орасида қиличбозликнинг шпага йўналишида “Қиличбозлик бўйича кучлилар турнири”нинг яккалик баҳси бўлиб ўтди.
Ушбу мусобақада 19 нафар (эркак) ўғил болалар ва 20 нафар аёл-қиз бола спортчилар иштирок этиб, улар қиличбозлик йулакчаларида бор маҳоратларини намоён қилиб, ўзаро куч синашди.
Қиличбозлик бўйича кучлилар турнирининг ўтказилишидан асосий мақсад, республикамизда ушбу спорт тури билан шуғулланаётган ёш иқтидорли спортчиларнинг маҳоратини синовдан ўтказиш, улар орасидан энг кучли ва истиқболли атлетларни саралаб олиш ва бу билан миллий терма жамоасига муносиб заҳира спортчиларни тайёрлашдан иборат.
Бугунги беллашувларда қиз болалар орасида кечган муросасиз жангларда Тошкентлик Малика Хакимовага тенг келадиган рақиб топилмади. Малика мусобақа аввалидан ўз рақибларини жуда катта ҳисоб фарқи билан енгиб ўтди. У  ярим финалда Бухоролик Барчиной Болтаевани 15:8 ҳисобида мағлуб этиб, финал босқичи беллашувида Фарғона вилояти спортчиси Гульмира Зияевани ҳам ҳудди шундай ҳисоб билан енгиб турнир ғолибига айланди.
Таъкидлаш керакки, ярим финал босқичида Вероника Рожкова ҳамда Барчиной Болтаева орасида кечган беллашувлар мусобақанинг энг қизғин ва шиддатли курашларидан бири бўлди. Кучлар тенг келди. 
Бироқ омад Гульмирага кулиб боқди ва 15:14 ҳисоби билан Гульмира финалга йўлди. Афсуски, финал босқичида Гульмира Зияева ўзининг бор кучини намойиш эта олмади ва пойтахтлик Малика Хакимовага 
15:8 ҳисоби билан биринчиликни бой берди.
Шундай қилиб, яккалик баҳси якуний натижаларига кўра:
Малика Хакимова (Тошкент ш.)
Гульмира Зияева (Фарғона)
Барчиной Болтаева (Бухоро)
Вероника Рожкова (Тошкент ш.)
 
Эркаклар орасида қиличбозлик бўйича кучлилар турнирининг шпага йўналишида бўлиб ўтган беллашувларида Файзулло Алимов ғалаба шоҳсупасининг биринчи поғонасидан жой олди. 
У ярим финал босқичида Фахриддин Собировни 15:7 ҳисоби билан енгиб, финал босқичида қатнашиш имконига эга бўлди. Бироқ финалдаги рақиби Андижонлик Жавохирбек Нурматов ўзининг бор маҳоратини ишга солиб унга жиддий зарбалар қайтаришга муваффақ бўлди. 
Айтиш керакк, қиличбозлик йулакчасидаги вазиятни ҳеч қачон олдиндан башорат қилиб бўлмайди. Шу боис ҳам, бу икки кучли қиличбозлар беллашувнинг сўнги дақиқаларигача шиддат билан муросасиз куч синашди. 
Ҳисоб 15:14. Ғалаба Файзуллога юзланди. 
Ҳа! Бу қиличбозлик бўйича кучлилар турнири, унда ҳар бир спортчи нафақат ўзининг техник ва тактик тайёргарлиги, тажрибаси, балки руҳий-эмоционал ҳолати ва албатта, ғалабага бўлган ишончини синовдан ўтказади.
 
Якуний натижалар қуйидагича:
 
Файзулло Алимов (Тошкент ш.)
Жавохирбек Нурматов (Андижон)
Игорь Князев (Навоий)
Фахриддин Собиров (Андижон)
 
 
Эслатиб ўтамиз 7 декабрь куни қиличбозлик бўйича кучлилар турнирининг рапира йўналишидаги яккалик баҳси бўлиб ўтади.
 
 
ЎҚФ Матбуот хизмати