МИЛЛИЙ ТЕРМА ЖАМОА ТАРКИБИНИ ТЎЛДИРИШ БОРАСИДА ХАБАР
МИЛЛИЙ ТЕРМА ЖАМОА ТАРКИБИНИ ТЎЛДИРИШ
БОРАСИДА ХАБАР
Ўзбекистон қиличбозлик Федерацияси яқинда турли оммавий ахборот воситаларида тарқалган ноаниқ хабарлар муносабати билан Федерация бош котиби Гульнора Саидова билан ташкил этилган интервьюни тақдим этади.
- Паола Плиего Ўзбекистон фуқароси экани ростми?
Г.С.: — Ҳа, Паола Плиего бошқа давлатдан келган Ўзбекистон спортчиси ҳисобланади ва у бизнинг миллий терма жамоамизда кураш олиб бориши кутилмоқда. Бундан ташқари унинг онаси Хольда Плиего, шпага йўналиши бўйича мураббий ҳамда кичик синглиси Фернанда, у ҳам саблячи, юртимизда ишлаш ва Ўзбекистон шарафи учун беллашувларда иштирок этиб, юртимизда қиличбозлик спорти ривожига ўзларининг хиссаларини қўшиш истакларини билдиришган.
— Мен Паола билан анча олдиндан танишман ва у яхши спортчи. Паола халқаро мусобақаларда бизнинг мамлакатимиз вакиласи сифатида майдонга чиқишидан жуда ҳам ғурурланмоқда. У аллақачон бизнинг юртимиз билан таниш бўлгани боис, Ўзбекистон ўзининг ажойиб инсонлари, анъаналари билан жуда ҳам гўзал эканини завқланиб гапиради. Шу билан бир қаторда Паола Плиего мамлакатимизда спорт — бу ҳаёт эканини ва Президентимиз мамлакат тараққиёти учун яратиб бераётган барча шароитларни бутун жаҳон афгор оммаси бугун Ўзбекистондаги янгиланиш жараёнларига билдираётган қизиқишларида акс этаётгани ҳам алоҳида таъкидлайди.
Паола, халқаро спорт ареналарида мамлакатимиз вакиласи сифатида иштирок этиш, айнан унга насиб этганидан фахрланади.
— Интернет тармоқларида пайдо бўлган ушбу спортчи билан боғлиқ ҳар хил мақолалар юзасидан нима дейсиз?
Г.С.: — Афсуски, бу мақолаларни ким тайёрлагани тушунарсиз ва нима учун бу хабарларни тарқатган интернет сайтлари вакилидан биронтаси ҳам биз (Ўзбекистон қиличбозлик Федерацияси) билан маълумотларга аниқлик киритиш учун хатто боғланмаган. Шундай бўлсада, бу каби ҳолат бутун дунёда тарқалган, боз устига бундай вазият Паола билан ҳам содир бўлди, унинг инстагарамдаги саҳифасига бузиб кирилган бўлиб, унга ёлғон янгиликлар ва хабарлар жойлаштирилган. У ҳозирда Италияда ўқув-йиғин машғулотида иштирок этмоқда ва бу каби ҳолатдан ўта таажжубланиб бизга мактуб йўллади ҳамда уни Федерацияниг расмий сайтида эълон қилишни илтимос қилди.
Сиз ушбу мактубни инглиз, рус ва ўзбек тилларида ўқишингиз мумкин.
Мактуб илова қилинади:
Паола Плиегодан мактуб
___________________________________________________________
5 июль 2019
Ўзбекистон қиличбозлик Федерацияси
“ОАВда мен ҳақимда кўплаб ёлғон хабарлар тарқалмоқда. У ерда мен айтмаган, хеч қаерда ёзмаган сўзларим айтилмоқда. Аккаунтларимга ҳужум қилишди ва одамлар менга алоқаси бўлмаган нарсалар ҳақида гапиришмоқда. Тўғри, мен Ўзбекистон шарафини ҳимоя қилишдан фахрланаман. Бу ажойиб мамлакат. Мен Мексикада туғилганман ва у ерни ҳам жуда севаман, у ер ҳақида ёмон гап гапирмайман. Мен туғилган жойим билан ғурурланаман, аммо, бундан буён бизнинг юртимизни халқаро мусобақаларда тақдим этиш, Ўзбекистон маданияти ва қадриятларини тан олиб, бошқа дунё мамлакатлари билан бўлишиш мен учун юксак шараф, шу боис кичик синглим Фернанда ва онам, ажойиб спортчи ва мураббий Хольда ҳам Ўзбекистонда эканликларидан фахр ва ифтихор туйғуларини исҳор этмоқдалар.
Мен спортчиман ва спорт билан шуғулланаман — бу мени қизиқтирадиган ягона нарса, мен янгиликларнинг бир қисми ва оммавий ахборот воситалари диққат марказида бўлишни истамайман. Бу борада фақатгина эришган натижаларим орқали эътиборга тушиб, юртимни янада танитишни истайман, шунингдек, номимни спортдан ташқари сиёсат ёки бошқа бирор бир мавзуда ишлатишларини хоҳламайман.
Мен Ўзбекистон шарафини ҳимоя қилишни сабрсизлик билан кутяпман. Менинг асосий тилагим — мен билан фахрланишингизни истайман.
Ҳурмат билан Паола
July 5th 2019
Fencing Federation of Uzbekistan:
There’s are lot of lies about me being said on the media, a lot of things being said about me that I did not say and that are being published, my accounts were hacked and people publish a lot of things that I had nothing to do about it, the truth is that I am a proud to represent my country Uzbekistan, it is a beautiful country that I love and I am proud to represent, yes, the country that I was born in is Mexico which I also truly love and have nothing bad to say about it, I will always be proud of the place I came frome but from now on it will be my highest honor to represent our country in competitions, and to share the culture of Uzbekistan with the rest of the world, this is the reason and recognizing Uzbekistans value, that my little sister Fernanda and my mother, Holda, both great athlete and great coach will be also proud and honored to represent Uzbekistan as well
I am an athlete and doing sports is the only thing that I care about, I do not wish to be part of the news or of the media, the only way that I would like this attention is by getting results for our country, I also do not wish to be used for politics or something other than sports.
I am looking forward to represent our country all over the world and show Uzbekistan’s greatness.
My only wish it to make you proud.
Sincerely yours
_____________________
Paola Pliego
_ _______________________________________________________
Қиличбозлик Федерацияси бош котиби Г.Саидова — Менга аксарият бериладиган саволлар “нима учун легионерлар ва хорижий мураббийларни жалб этилиши”, “наҳотки ўзимизнинг спортчи ҳамда мураббийлар етишмаслиги?” ҳусусидаги саволларга ҳам жавоб беришни истардим — дея, суҳбатни давом эттирди:
— Биринчидан, бу масала бутун дунёда қўлланиладиган халқаро амалиёт. Бугунги кунда қиличбозлитк спортида мураббийлар сони кескин етишмайди ва айниқса юқори малакали мутахассислар. Албатта, бизда келажаги порлоқ мураббий ва спортчилар бор ва бизнинг вазифамиз барча мураббийларимизни ўқув-машғулот жараёнларида янги илғор технологияларга ўргатиш, мураббийлар ҳамда спортичиларни услубий-биологик ёндашувларга тайёрлаш, шунинг учун ҳам легионер, спортчи ва тиббиёт мутахассисларни таклиф этиш зарурати бор, лекин бу, нафақат қиличбозликда балки спортнинг бошқа турларида ҳам мавжуд бўлган зарурат ва вақтинчалик тенденция.
Масалан, Гулистон, Термез шаҳарлари ва айрим вилоятларда ҳам ростини айтганда умуман қиличбозлик мураббийи йўқ ва кўплаб ажойиб спортчиларни тарбиялаган бизнинг ҳорижий мутахассислар, афсуски такомиллашишдан анча узоқда бўлган Ўзбекистондаги қиличбозлик мактабини ривожлантиришга кўмак беришмоқда. Шу билан бир қаторда чет элдан таклиф этилган қиличбозлик бўйича дунёнинг етакчи мутахассислари янги мураббийларни тайёрлаш билан бирга спортчиларнинг тайёргарлигини оширишмоқда.
Яна бир бор таъкидлайманки, бизда жуда ҳам истиқболли ёш мураббий ва спортчилар мавжуд, улар билан Федерациямиз мунтазам иш олиб бориб, жойларда сайёр семинарлар ташкил этиш, пойтахтимиз-Тошкентда ўтказиладиган халқаро экспертлар иштирокидаги услубий-амалий маҳорат дарсларига жалб қилиш орқали уларнинг билимларини оширишга қаратилган ишларни амалга оширмоқда.
Биргина мисол, бизнинг сабля бўйича ўсмирлар командаси сўнгги вақтларда нафақат Осиёда, балки жаҳон спорт ареналарида ҳам ажойиб натижаларни кўрсатишмоқда, улар ҳақида бугун қиличбозлик оламидаги етакчи мутахассислар сўз юритиб, ўзбек қиличбоз-спортчилари 2024 йилда бўлиб ўтадиган Олимпиада ўйинларида иштирок этувчи энг истиқболли жамоалардан бири эканлигини эътироф этишмоқда.
Эндиликда биз ҳаммамиз 2020 йилда Токиода бўлиб ўтадиган Олимпия ўйинларига тайёргарлик кўрмоқдамиз. Биз умид қилиб ишонамизки, мазкур нуфузли Олимпиада ўйинларида иштирок этиш учун Паола ҳам ўзининг ҳиссасини қўшади.
Спортни олдиндан башорат қилиб бўлмайди, ва биз яқин вақтларда спортчилар ютуқларини кузатиб бориш имконига эга бўламиз.
Ўзбекистонга келиш ва унинг шарафи учун беллашиш истаги бўлган спортчилар ҳусусида шуни айтмоқчиманки, қиличбозликка шунчаки оддий спортчилар келмаяпти, биз билан бирга жуда ҳам истиқболли спортчилар майдонга чиқиш истагида ва улар шунгчаки халқаро мусобақаларда қатнашиш учунгина эмас, балки ҳақиқатдан ҳам Ўзбекистонга чексиз муҳаббати боис унинг тўлақонли фуқаросига айланмоқдалар. Паола ҳам бунга мисолдир. Унинг онаси қиличбозлик бўйича мураббий синглиси Фернанда эса, ҳали кадетлар сафида бўлса ҳам ҳозирда яхши натижаларни кўсатмоқда. Фернанда яқиндагина Ўзбекистон чемпионлигини қўлга киритди. Ва бизнинг ёш спортчиларимиз уларни бажонидил ўз спорт оилаларига қўшишди.
Муҳтарам Президентимиз раҳномолигида Ўзбекистон ҳукумати мамлакатимизни барча соҳаларини янада риаожлантириш учун керак бўлган қулай имконият ва шароитларни яратиб бермоқда. Жумладан, спорт ва жисмоний тарбия орқали аҳоли саломатлигига алоҳида эътибор қаратилаётганини кўриб гувоҳи бўлиб турибмиз. Дарҳақиқат ушбу доно ҳикматда айтилганидек: “бугун биз бунёд этмоқдамиз, бу эса эртага тарихга айланади”.
Ҳудди шундай қиличбозлик спортида ҳам таъкидлаш мумкинки, бугун биз жалб этаётган ҳорижий мутахассислар кўмагида эртага янги авлод — ўзбек Жаҳон чемпионлари ва Олимпиада ғолиблари етишиб чиқади.
ЎҚФ матбуот хизмати