Ишчи гуруҳининг мажлиси

4 октябрда Тошкентда 2018 йилнинг 17-18 ноябрь кунлари аёллар ўртасида қиличбозлик спортининг қилич тури бўйича бўлиб ўтадиган Жаҳон Кубогининг босқичи мусобақаларини ўтказиш бўйича ишчи гуруҳининг мажлиси бўлиб ўтди. Унда Ўзбекистон қиличбозлик федерациясининг масъул ходимлари иштирок этди.

         Мажлисни Ўзбекистон қиличбозлик федерациясининг раиси Р.М.Шоабдураҳмонов олиб борди.

Мажлисда Федерация масъул ходимларининг Тошкентда 2018 йилнинг 17-18 ноябрь кунлари аёллар ўртасида қиличбозлик спортининг қилич тури бўйича Жаҳон Кубогининг босқичи мусобақаларига тайёргарлик кўриш ва ўтказиш бўйича белгиланган чора-тадбирлар бажарилишининг  бориши ҳақидаги ахборотлари тингланди. Бунда мусобақаларни ўтказиш бўйича техникавий топшириқларни изчил амалга ошириш, қиличбозлик залларини тайёрлаш, Жаҳон Кубогининг босқичи мусобақалари қатнашчилари, ҳакамларини кутиб олиш, уларни меҳмонхоналарга жойлаштириш, бошқа ташкилий масалаларни белгиланган муддатларда ҳал этишга алоҳида эътибор қаратилди.

Мажлис якунлари бўйича Тошкентда аёллар ўртасида қиличбозлик спортининг қилич тури бўйича Жаҳон Кубогининг босқичи мусобақаларига пухта  тайёргарлик кўриш ва уларни  юқори савияда ўтказиш бўйича қўшимча чоралар белгиланди.