Avval Olimpiya oʻyinlarining haqiqiy tarixi haqida gaplashgan edik. Bugun barcha biladigan qadimgi yunonlar hayotining koʻp qirralarini aks etgan Olimpiada afsonalariga toʻxtalmoqchimiz.

Afsonaning yagona versiyasi mavjud emas va bugungi kunda eng keng tarqalgan taxminni hikoya qilib beramiz.

Pelops afsonasi

Tantalning oʻgʻli Pelops bir vaqtlar shoh Enomayning qizi – Gipodamiyani sevib qolgan. Ammo shoh qizini unga berishni xohlamaydi, chunki u erining qoʻlida oʻlishi taxmin qilingan edi. Koʻpgina daʼvogarlar Gipodamiyaning qoʻlini soʻrar edilar va Enomay daʼvogarlar uchun imkoniyat boʻlmagan tanlovni taklif qildi: kim arava poygasida uni magʻlub qilsa, qizining yori boʻladi va kim yutqazsa, u boshidan judo boʻladi.

Pelops Piza qirolini hiyla bilan yengmoqchi boʻlib, Enomayning mahoda haydovchisi Mirtilning aravachasiga pul toʻladi. U aravaning oʻqida gʻildirakni ushlab turadigan chuvchoʻpni qoʻymadi va musobaqalar paytida gʻildiraklar shoh Enomayning aravasi oʻqidan chiqib ketdi. Arava agʻdarilib, Enomay uning ostida qolib ketdi.

Gʻalaba bilan Pelops Pisa shahriga qaytib, shoh Enomayning qizi – Gipodamiyaga uylandi va marhum qaynotasining butun hududida shoh boʻldi. Uning gʻalabasi sharafiga Pelops Olimpiya shahrida sport musobaqalarini oʻtkazdi.

Zevs afsonasi

Otasi Kronni magʻlubiyatga uchratgan Zevs ushbu tadbir sharafiga poyga uyushtirdi va shu bilan Olimpiya oʻyinlariga poydevor qoʻydi.

Gerakl afsonasi

Gerakl qirol Avgiyning saroyi molxonasini tozalagandan soʻng, vaʼda qilingan mukofotni bermay, podshoh tomonidan xoinlik bilan haydab chiqarildi. Qasos olmoqchi boʻlgan Gerakl katta qoʻshin bilan Elidaga hujum qildi va Avgiyni uni kamon bilan otib oʻldirdi. Ushbu gʻalaba sharafiga u Olimpiya xudolari ibodatxonalarida qurbonliklar qildi va muqaddas tekislikda muntazam sport bilan shugʻullanadi.

Ushbu afsonalardan qaysi biri haqiqiyligi nomaʼlum: Olimpiya oʻyinlari har doim odamlar hayotida muhim va quvonchli voqea boʻlib kelgan. Asosiysi bugungi kunda bu borada hech narsa oʻzgarmagan.

Manba: https://t.me/uzbtaekwondowt

Jismoniy tarbiya va sport vazirligi
Matbuot xizmati